Kryeministrja e Serbisë Ana Brnabiç ka thënë në një intervistë radiofonike për “The Economist”, se 2018 është një vit në të cilin mund të gjendet një zgjidhje e qëndrueshme me Kosovën, shkruan b92.
“Ajo që ne po bëjmë tani është se jemi duke kërkuar një zgjidhje të qëndrueshme, në mënyrë që të mos lëmë asnjë konflikt të ngrirë për ata që do të vijnë më pas .Ne kemi një shans historik për të gjetur një zgjidhje të qëndrueshme .Nëse nuk e përdorim këtë shans në vitin 2018, nuk do të ketë një tjetër shans për dekada të tëra,” tha Brnabiç.
Ajo tha se “metafora e (ulur) dy karrige”, për lidhjet e Serbisë me Perëndimin dhe Rusinë – ishte “e pafat”.
“Unë vazhdoj të them se nuk janë dy karrige, është një karrige, është karrigia e Serbisë, dhe ne jemi krejtësisht për BE dhe ky është qëllimi ynë strategjik dhe përsëri, nuk është për shkak të parave, nuk promovojmë Evropën si një tenxhere e madhe që mund të marrim para në fund të atij udhëtimi, “tha Brnabiç.
E pyetur për Tribunalin e Hagës, ajo tha se nuk mendonte se kishte sjellë drejtësi në ish- republikat jugosllave apo të ketë ndihmuar në pajtimin e tyre.
Ajo foli për “krime të tmerrshme në Operacionin Stuhia të Kroacisë” – me “më shumë se 250,000 njerëz (serbë) të dëbuar nga Kroacia, në thelb të spastruar etnikisht” me askush nuk është përgjegjës për një situatë te ngjashme me myslimanët boshnjakë dhe UÇK-në shqiptare të Kosovës.
“Ju nuk mund të thoni se nuk ka pasur krime kundër serbëve dhe jo-shqiptarëve të tjerë,” tha Brnabiç.
Ajo mohoi se kishte pasur një gjenocid në Srebrenicë, por e quajti atë një krim të neveritshëm.
“Le të shikojmë në të ardhmen dhe ta lëmë këtë pas nesh, brezat e rinj po vijnë, kemi shumë gjëra të përbashkëta, gjyshi im ishte kroat dhe ai nuk është serb nga Kroacia, ai është kroat nga ishulli i Krk. Kam kaluar fëmijërinë time atje, kam shumë miq atje, kemi shumë ngjashmëri,” tha Brnabiç.
E pyetur nëse dëshiron që Jugosllavia të ekzistojë përsëri, Brnabiç u përgjigj: “Jo”. TIRANA TODAY
