Zëdhënësi i Metës i është turrur mediave, teksa dje, pjesë të panelit janë shfaqur personazhe të cilët kanë komentuar raportin e Komisionit të Venecias. Tedi Blushi ka ironizuar lilidhur me këtë situatë, ku për të, të gjithë i janë turrur presidentit, duke mos lënë komentin negativ ndaj tij. Zëdhënësi i kreut të shtetit nuk lë pa përmendur edhe operacionet e fundit, ku u sekuestrua 137 kg kokainë mes bananeve.
Autoritetet greke zbuluan në portin e Pireut nëpërmjet një sinjali të dhënë nga DEA amerikane, 137 kilogramë kokaninë që vinte nga Ekuadori dhe që si destinacion final kishte Shqipërinë.
Droga ishte fshehur në motorët e frigoriferëve në katër kontenierë me banane, të porositura nga një kompani shqiptare, e cila operon në treg nga viti 2011.
Autoritetet e vendit fqinj informuan policinë menjëherë, sapo zbuluan sasinë e gjetur të drogës, dhe një grup hetimor udhëtoi me urgjencë për në Greqi. Në portin e Pireut, ku kontenierët kaluan tranzit, autoritetet vendosën ta zëvendësonin drogën me oriz, dhe brenda pakove u vendos GPS.
Statusi
Sa mirë që mbrëmë rastësisht të gjitha televizionet dhe debatet e darkës u morën me Komisionin e Venecias.
Nuk lanë as agjentë të UDB-së pa nxjerrë në ekran, për të sharë Presidentin dhe “mbrojtur” Kushtetutën.
Jetojmë në kohë magjistarësh!
Ngarkesat nisen nga Amerika Latine me banane, kapet kokainë dhe del oriz.
Të dashur përsheshngrënës, ju bëftë mirë pilafi!
