Një ngjarje e mrekullueshme ka ndodhur në San Pietro. Një 100- vjeçare ka fituar betejën me Covid-19.
Lajmi është bërë i ditur nga vetë kryebashkiaku Domeniko Xhampa. Përmes rrjetit të tij social, “Facebook”, Domeniko shkruan se janë të shumtë ata banorë që janë prekur nga pandemia, teksa mes tyre ka qenë dhe një gjyshe e lindur në 1920-ën, e cila është shëruar plotësisht.
Kryebashkiaku sqaroi se janë marrë të gjitha masat për të frenuar përhapjen e covid në bashkëpunim me administratën, policinë bashkiake, kishën, policinë dhe vullnetarët. San Pietro, është një zonë me 4 mijë banorë në Katanzaro të Italisë.
Ndërkohë, në 24 orët e fundit, në Itali janë regjistruar 722 viktima dhe të 25.853 të infektuar me Covid-19.
