Erion Xhangolli ishte vetëm 21 vjeç kur emigroi në Greqi për një jetë më të mirë. Tirana Today sjell disa fotografi të tijat para se të ndodhte aksidenti. Ku sipas familjarëve ai ishte një djalë me shumë jetë, i qetë dhe shumë familjar. Asnjëherë nuk ishte përzier në gjëra të jashtëligjshme dhe ishte shumë punëtor.
Për të ndihmuar familjen e cila jetonte në kushte të vështira në Korçë. Si dhe për tu bashkuar me vëllezërit që po ashtu punonin në Greqi. Por, pasi policia zbuloi pas disa kohësh që i riu ishte pa letra ju vu në ndjekje. Në përpjekje për t’i shpëtuar Erioni bie nga një lartësi prej 12 metrash.
Një rënie e cila do t’i ndryshonte gjithë jetën. Menjëherë policia e shoqëron në spital, ku mes borxheve të shumta familjarët dhe miqtë arritën ta mbajnë në Greqi për 11 muaj. Si pasojë e rënies nga lartësia e madhe ai goditi kokën si edhe ka dëmtuar mushkërinë. Sipas prindërve, mjekët në Greqi i dhanë shpresa se djali i tyre do të kurohej. Por se kishte nevojë për mjekim të specializuar dhe kujdes të veçantë.
Por, nga mungesa e kushteve ekonomike nuk mund ta vazhdonin mjekimin atje. Ndaj ishin të detyruar të sillnin në Shqipëri. Ku për 3 muaj e mbajtën në spitalin e Korçës dhe prej 18 vitesh Erioni dergjet i paralizuar në krevatin e shtëpisë së tij. Në një krevat i cili nuk i plotësonte as qëndrimin e duhur, sot 29-vjeçarit.
Prindërit bënë apel për ndihmë për djalin e tyre, pasi në gjithë këtë kohë ata kanë qenë vetë mjekët për të birin. Kjo pasi Erion nuk lëviz dhe as nuk flet dot, po ashtu ka tub të vendosur në stomak dhe kokë. Nëna e tij gjithë këto vite e ka ushqyer djalin me shiringë, duke i qëndruar çdo moment në kokë. Ndërkohë, i ati i moshuar, në pamundësi thotë se shpesh nuk kanë gjendje ekonomike për të blerë edhe gjërat më bazike, e aq më pak ilaçet.
Pasi thirrja për ndihmë bë virale, ditën e sotme reagoi edhe kryeministri Rama. I cili bëri me dije se Erioni do të transportohet për në spitalin e traumës në Tiranë. Ku do të vizitohet nga mjekët përkatës, si edhe do t’i vendoset në dispozicion një krevat dhe një infermiere të dedikuar që do ta ndjekë sipas kalendarit mjekësor./ TIRANA TODAY
