Arbitrazhi Ndërkombëtar ka marrë vendimin përfundimtar në lidhje me çështjen e biznesmenit italian, Françesko Beketi.
Sipas “Syri.net”, shteti shqiptar e ka humbur gjyqin dhe është e detyruar t’i paguajë biznesmenit italian një shumë që shkon deri në 140 milionë euro.
E gjitha kjo nisi me mbylljen e televizioni “Agon Channel” nga qeveria.
Gjykata Ndërkombëtare e Arbitrazhit, ICSID me seli në Uashington vendosi vitin e kaluar që shteti shqiptar t’i paguante 110 (+30) milionë euro dëmshpërblim pronarit të AGON Channel.
Pas këtij vendimi, shteti shqiptar bëri dhe një përpjekje për të fituar kohe dhe kërkoi të anulojë një pjesë të vendimit.
Gjykata e Uashingtonit pranoi kërkesën për rishqyrtim të asaj pjese të argumentuar nga shteti shqiptar, duke pezulluar përkohësisht shlyerjen e pagesës.
Kështu u pezullua zbatimi i menjëhershëm i vendimit derisa një komitet ad-hoc do të shqyrtonte si anulimin, ashtu edhe pezullimin.
Mësohet se ky komitet ka vendosur ditën e djeshme (23 mars 2020) që të heqë pezullimin e ekzekutimit të vendimit për pagimin e 110 milionë eurove.
Kjo do të thotë se ekzekutimi i kësaj shume duhet të bëhet automatikisht dhe menjëherë.
