Së fundmi Gjykata ka dhënë masën detyrim paraqitje për Henri Çilin.
Ky i fundit u arrestua më 28 Shkurt për llogari të Prokurorisë së Gjirokastrës. Çili ishte një nga 30 personat e kapur nga operacioni “Mezhgorani” dhe akuzohet për ndërhyrje tek funksionarët e drejtësisë.
Po ashtu ai akuzohet se ka ndërhyrë në Gjykatën e Lartë për uljen e dënimit ndaj Arbion Alikos, personit që akuzohet për vrasjen e efektivit të RENEA-s, 5 vite më parë, gjatë operacionit antikanabis në Lazarat. Në dëshminë e tij ai i ka mohuar të gjitha akuzat dhe ka deklaruar se gjithçka është një manipulim të cilin ai do ta kundërshtojë në momentin e duhur me prova dhe fakte.
Mbi Çilin rëndojnë akuza për katër vepra penale “Mashtrim”, “Fshehje të ardhurash”, “Ushtrimi i ndikimit të paligjshëm tek gjyqtari”, dhe “Pastrim të produkteve të veprës penale”.
