Për të zbuluar të prekurit me Covid-19, ushtria amerikane ka nisur të aplikojë ‘testin e uthullës’. Prej pak ditësh, ushtria amerikane po aplikon një test të thjeshtë, që ka në bazë uthullën.
Si fillim, ishte ushtria amerikane e vendosur në Korenë e Jugut, ajo që nisi të aplikonte këtë provë të thjeshtë, e cila tregon për një nga efektet më pak të dukshme të Covid-19.
Por si po veprohet? Rojet e sigurimit ndalojnë çdo vizitor, dhe i ofrojnë atij një copë të pambukut të zhytur në uthull.
Nuk nevojitet matja e temperaturës, ose të pyesin personin për historinë e udhëtimit.
Dëmi i parë që bën virusi sapo hyn në hundë, është sulmi ndaj nervit nuhatës dhe bllokimi i molekulave të aromës. Duke iu referuar studimeve të fundit, simptoma kryesore është humbja e erës.
Një zëdhënës për forcat amerikane të vendosura në Korenë e Jugut tha për “NewsWeek” se procedura ka nisur të premten, në pika të ndryshme të hyrjes. Mjekët zbuluan shumë raste të njerëzve që kishin vetëm këtë simptomë, pa pasur ndonjë simptomë tjetër.
