Ministria e Shëndetësisë paralajmëron sërish qytetarët që të respektojnë distancimin fizik dhe të kenë kujdes me higjenën personale, pasi risku është tejet i lartë. Ndonëse deri më tani situata është menaxhuar mjaft mirë, ekziston mundësia që përsëri infeksioni të shtohet. Kjo si pasojë e hapjes së masave, ndaj qytetarët duhet të jenë vigjilent për të mos u bërë përcjellës së infeksioneve.
Ministria e Shëndetësisë thekson se COVID-2 “Shefqet Ndroqi” nuk do të mbyllet për t’iu rikthyer pacientëve, që vuajnë nga sëmundje pulmonare.
Zv.ministrja e Shëndetësisë, Mira Rakacolli, ka shtuar më tej se po shqyrtohet situata, për të marrë masat e menjëhershme nëse do kemi agravim.
A do të mbyllet Covid 2 dhe çfarë do të bëhet me pacientët e prekur aty?
“Pavarësisht se epidemia është kontrolluar shumë mirë, është kontrolluar shumë mirë edhe në sajë të masave të mëdhaja shtrënguese që u morën që në fillim të saj. Tashmë me hapjen e masave, jemi në një moment tejet delikat, të cilin po e monitorojmë me shumë kujdes. Dhe ekziston mundësia që përsëri infeksioni të shtohet. Për këtë arsye këtë problem ne do ta shqyrtojmë në dritën e kësaj dinamike”, tha zv.ministrja e Shëndetësisë.
