Nënkryetari i Partisë Demokratike, Edi Paloka i vendosur tek rrethrrotullimi “Shqiponja” deklaroi se opozita nuk do të lejojë që në Shqipëri të ketë sërish zgjedhje, apo krim tjetër elektoral.
Paloka u shpreh se kjo është një protestë simbolike, ndërsa, sipas tij paralizimi i qarkullimit rrugor për 1 orë është vetëm një sinjal për të shpresuar që do të ketë reagim.
“Në rast se do vijohet me cinizëm në afrimin e zgjedhjeve, jo vetëm ai që nuk e ndal dot situatën por sikur të mbledhë gjithë socialistët e Evropës nuk na ndal dot. Ne jemi në luftë për mbijetesë, shqiptarët janë në pikën për mbijetesë”, tha Paloka.
