Kreu i Grupit Parlamentar në Partinë Demokratike, Enkelejd Alibeaj, pas mbledhjes së zhvilluar nga Grupi Parlamentar tha se opozita e ka detyrim ligjor që të marrë pjesë në procesin e zgjedhjes së Presidentit dhe të mos e bojkotojë. Por sipas Alibeajt, PS është tërhequr nga marrëveshja që ato nënshkruan publikisht. Alibeaj tha se është i hapur për të bashkëpunuar me PS-në për zgjedhjen e Presidentit të ri, por me kushtin që t’i përmbahen dokumentit që ka dorëzuar PD-ja.
“Vlera e këtij dokumenti qëndron deri në momentin e fundit ligjor, deri në 12 të natës nëse ndryshojnë mendje, jemi gati të mblidhemi”, theksoi Alibeaj.
A do propozojë PD-ja një emër për Presidentin për raundin e tretë?
“Ne i qëndruam të gjitha detyrimeve sipas dokumentit. Pala tjetër u tërhoq. Dokumenti është i thjeshtë nëse tërhiqeni dakordësia bie. Vlera e këtij dokumenti qëndron deri në momentin e fundit ligjor, deri në 12 të natës nëse ndryshojnë mendje jemi gati të mblidhemi”.
“Presidenti nesër e ka të nevojshme të ketë legjitimitet, mbështetjen e gjithë palëve.
Ndryshe do jetë President gjysmak, i gjymtuar, nuk do mundet dot t’i bëjë ballë rrebesheve politike që do vijnë. Tërheqja është bërë në mënyrë të paarsyeshme nga ana e PS-së, kjo është një gjë që të paktën në sytë e shqiptarëve ne e bëmë detyrën”.
