Ministrja e Shëndetësisë, Ogerta Manastirliu, ka paralajmëruar se mund të ketë masa shtesë për festa duke qenë se do të ketë ndërveprim më të lartë. Në fjalën e marrë në Kuvend, ministrja tha se ekspertët e shëndetësisë po vlerësojnë situatën, nëse do të ketë masa shtesë. Duke filluar nga 4 janari, të gjithë punonjësit në administratë dhe supermarkete, duhet të paraqesin kartën e vaksinimit, atë të shërimit ose antigenin çdo 8 ditë.
“Jemi para festave, kur padyshim presim të rriten shkëmbimet, ndërveprimet dhe është një situatë sa delikate po ashtu dhe fluide, ndaj ekspertët e shëndetësisë po vlerësojnë këtë situatë për masat që do të nevojiten, për mbrojtje. Duke filluar nga 4 janari, të gjithë punonjësit në administratë dhe supermarkete duhet të paraqesin kartën e vaksinimit, atë të shërimit ose antigenin çdo 8 ditë. Jemi duke vlerësuar situatën dhe po vijojmë me investimet”, tha ministrja.
Ekspërtët e shëndetit, çdo ditë e më shumë apelojnë ndaj qytetarëve që të bëjnë dozën përforcuese të vaksinës kundër Covid-19, dhe të mbajnë gjithmonë maska në hapësirat publike të mbushura me njerëz, për të ndihmuar në ngadalësimin e përhapjes së variantit Omicron.
