Kreu i Urgjencës Kombëtare Skënder Brataj ka deklaruar për emisionin “Real Story” se javën e dytë do të ketë një numër më të madh të personave të prekur nga koronavirusi.
“Ajo që po lexoja pak më parë, java e parë është ky bumi i parë. Më pas njerëzit nisin të rezervohen, në javën e dytë ka pasur rritje të numrit në Itali dhe Kinë, për arsye të inkubacionit të virusit. Mund të ketë një rritje në javën e dytë, në drekë dhe në darkë sidomos.
Studiuesit italianë dhe kinezë kanë përcaktuar 5 tipe.
Këto masa drastike në lëvizjen e njerëzve, në kufizimin e tyre, do ta kufizojnë numrin e infeksioneve”, tha kreu i Urgjencës Kombëtare.
I pyetur nëse ka ndonjë të prekur në gjendje të rëndë, Brataj u përgjigj se babai i pacientit zero ka më shumë probleme.
“Babai i djalit, (Pacientit zero) ishte person me probleme pulmonare dhe pinte shumë duhan”, tha Brataj.
