Paris Saint-Germain ka shkatërruar serbët e Cervena Zvedas për të marrë tre pikët e pra n Champions League. Skuadra e Tuchel ka fituar 6- 1 në një sfidë që fitorja ishte e detyruar pas humbjes së pësuar ndaj Liverpool. Ishte mbrëmja e yllit brazilian Neymar, i cili tregoi të gjithë klasin që ka në këmbë me tre gola fantastikë.
Pas disa rastesh të pashfrytëzuara nga parisienët, ishte Neymar që shënon një gol të mrekullueshëm nga goditje dënimi për të zhbllokuar rezultatin. Vetëm dy minuta më pas sulmuesi brazilian shënon golin e dytë të takimit pas një pasimi të bukur të Mbappe.
Dominimi i francezëve vazhdoi edhe pas golit të dytë dhe ishte Edinson Cavani ai që trefishoi rezultatin me pak fat pas një topi të devijuar brenda zonës.
Angel D Maria shënon golin katërt n pjesën e parë për ti dhënë fund ndeshjes. Edhe pe në pjesën e dytë parisienët duket se e ulin ritmin, shpërdorojnë raste pafund, që mund ta kishin mbyllur ndeshjen me 10 gola.
Në minutën e 70’ më në fund erdhi edhe goli i merituar i Kylian Mbappe. Festë e madhe në kryeqytetin francez dhe goli i nderit i skuadrës nga Beogradi që shënon falë gjermanit Marko Marin. Por që do të harrohet menjëherë pas golit të dytë nga goditja e dënimit e Neymar. Këtë herë ishte akoma më e bukur se e para.
Ndërkohë ndeshja tjetër e orës 18:55 mes Lokomotiv Moscow dhe Schalke është mbyllur me rezultatin 1-0 në favor të gjermanëve. Megjithëse po kalon një moment të vështirë në Bundesliga, çuditërisht ekipi nga Gelsenkirchen po tregon një formë të mirë në Champions League dhe pas barazimit në ndeshjen e parë, ka marrë një fitore të rëndësishme në minutat e fundit të takimit falë golit të McKennie. Me këtë triumf, Schalke momentalisht ndodhet në vend të parë të grupit D.
