Janë shënuar tre gola mjaft të shpejtë në sfidën që po zhvillohet në “Parc des Princes” me PSG dhe Celtic. Fillimisht janë miqtë që shënojnë që në minutën e parë me anë të Dembele. Por atij goli i është përgjigjur ylli brazilian Neymar me një dopietë.
Neymar ka barazuar rezultatin në minutën e 9’, pas një pasimi mjaft të mirë nga Rabiot. Ylli brazilian edhe pse nga një pozicion i vështirë arrin ta dërgojë topin në rrjetë.
Ndërsa në minutën e 22’ është sërish ai që shënon golin e avantazhit. Këtë herë janë disa kombinime perfekte me Verratin që e nxjerrin para portës Neymar, ku nuk gabon por mposht për herë të dytë portierin e Celtic.
