Aktori Neritan Liçaj, në studion e “Late Night Show”, ka rrëfyer arsyen pse ai dëshiron që të largohet nga Shqipëria. Po kështu, aktori ka treguar se ka qenë emigrant në Itali, por ardhja e tij këtu lidhet me faktin se aty ndjehej i huaj. Lidhur me anën ekonomike, Neritan Liçaj nuk nguroi që të tregojë se është i lumtur, ndonëse i varfër.
“Isha emigrant në Itali, dhe kam punuar e jetuar shumë mirë. Erdha se u ndjeva i huaj, ndihesha i huaj. Të zgjedhurit e vendit ku jeton është e drejta jote. Vetëm një gjë nuk mund të zgjedhë njeriu, nënën dhe babën.
Të tjerat zgjedh, edhe fenë, edhe vendin ku do të jetosh është e drejta jote. Dikush ka preferuar të jetoj jashtë, por unë kam preferuar të jetoj këtu. Vendosa që gjithë energjitë e mia modeste t’i investoj këtu.
Gjërat nuk i mas me jam mirë, nuk jam mirë. Jam i lumtur me varfërinë time. Nuk pretendoj të bëhem miliarder, nuk e kam problem. Me këtë thjeshtësinë time jam shumë i lumtur unë, dhe bashkëshortja ime. Por preferoj të jetoj në vendin tim, që përpëlitet, gjakoset, theret grihet me veten e vet, por jetohet sesa në Zvicër ku nuk zihet as kosi”.
