Presidenti Donald Trump ka mbledhur së paku 106 milionë dollarë për fushatën e tij, për vitin 2020. Ky raport i “Washington Post”, flet për shifra rekord. Trump është ende në gjendje që të mbështesë një bazë të vogël të financuesve për fushatën e tij. 98% e fondeve të mbledhura nga presidenti, në tremujorin e fundit, kanë ardhur nga donacione prej më pak se 200 dollarë.
Sipas një sondazhi të bërë nga SSRS për “CNN”, amerikanët po binden gjithmonë e më shumë se Donald Trump do të rizgjidhet president i SHBA. 46% janë të sigurtë që do të rizgjidhet, dhe 47% të bindur për të kundërtën.
Por, për presidentin Trump ky sondazh është një përmirësim, duke marrë parasysh se një sondazh i muajit mars, tregoi se 54% e zgjedhësve ishin të bindur që nuk do të konfirmohej në Shtëpinë e Bardhë.
