Lajmi i kobshëm që kapiteni i Fiorentinës ndërroi jetë u përhap paraditen e së dielës rreth orës 10. Por çfarë ndodhi me ndeshjet të cilat ishin programuar të zhvilloheshin dhe si u bë e mundur që të anuloheshin? Çfarë është futbolli? Një top që rrotullohet në fushën e blerët? Jo, është shumë më shumë. Është emocion, pasion, është mënyrë jetese. Kjo u tregua edhe një herë pas vdekjes së Davide Astori, e cila befasoi jo vetëm futbollin italian, por edhe atë botëror.
Ndeshja e parë e së dielës për javën e 27-të në Serie A ishte ajo në mes Genoas dhe Cagliarit.
Lajmi për Astorin preku gjithë lojtarët dhe tifozët e pranishëm në Marassi, kjo pasi mbrojtësi ishte pjesë e Cagliarit nga viti 2008 deri 2014 dhe Malago shpjegoi se çfarë ndodhi realisht pak minuta para ndeshjes: “Të gjithë ishin duke pritur që lojtarët e Genoas dhe Cagliarit të dilnin në fushë. Por, pasi Davide kishte luajtur në Sardegna (Cagliari), disa nga shokët e tij nuk dëshironin të dilnin në fushë. Kam kontaktuar presidentët e dy klubeve, Giulinin dhe Preziosin dhe pastaj Marcello Nicchin (shefin e gjyqtarëve) dhe e shtyme ndeshjen”.
Shumë lojtarë nuk dëshironin të dilnin në fushë:
Pasi u bë lajmi publik shumë mesazhe ngushëlluese shpërthyen në internet, ato ishin nga bashkëlojtarët, klubet italiane dhe nga bota. Pasi Astori ishte i respektuar në Itali shumë lojtarë të prekur nga lajmi refuzuan të luajnë ndeshjet. Malago ka thirrur gjithë skuadrat për ta konfirmuar këtë dhe pasi e kuptoi se ishte e vërtetë, vetëm sa e forcoi bindjen se nuk duhet luajtur e diela e javës së 27 në Serie A.
Milano ishte e stërmbushur këtë të diel, nuk ishte java e modës, por dita e derbit të qytetit. Tifozë nga e gjithë bota kishin udhëtuar në qytetin italian dhe ishin gati për të ndjekur Derby della Madonnina dhe Malago shpjegon vështirësitë për të anuluar këtë ndeshje:
“Dyshimet më të mëdha për shtyrje natyrisht që ishin te ndeshja Milan-Inter. Më thanë që Borja Valero dhe Vecino nuk dëshironin të dilnin në fushë. Pas kësaj kam telefonuar ministrin Minniti, por ai nuk u përgjigj pasi ishte duke udhëtuar me aeroplan. Pas kësaj kam thirrur Shefin e Policisë dhe i kam thënë se duam të shtyjmë ndeshjen. Ata më thënë se ndajnë të njëjtin mendim me mua dhe pastaj kam vendosur që të shtyj edhe gjithë ndeshjet tjera. Milani ka treguar disponueshmëri”.
Klubet e Serie A do të takohen nesër (e hënë) për të gjetur një zgjidhe për orarin e ri të ndeshjeve. Ka disa mundësi, por edhe disa probleme. Problemi më i madh është shkaktuar nga ndeshja Milan-Inter, pasi kuqezinjtë luajnë në finale të Kupës së Italisë ndaj Juventusit më 9 maj dhe ndaj Arsenalit në Ligën e Evropës me 16 maj. Një mundësi është që finalja e kupë të luhet pas përfundimit të sezonit në Serie A dhe në vend të saj të luhet deri i Milanos.
Ndeshja tjera të Serie A të luhen të mërkurën e 14 marsit, por jo natën sepse luhet Liga e Kampionëve, gjithsesi kjo është vetëm një mundësi. Por, Atalanta-Samprodia nuk mund të luhet, sepse Atalanta ka tashmë të aranzhuar ndeshjen ndaj Juvensit me 14 mars, që më herët ishte ndalur për shkak të borës.
Datat tjera janë më pak të mundura pasi disa nga lojtarët janë të angazhuar ke përfaqësueset e tyre për përgatitjet e Kampionatit Botëror ‘Rusia 2018’. Një gjë është e sigurt, gjeta e një zgjidhje se kur do të luhet ndeshjet e mbetura nuk do të jetë aspak e lehtë.
