Shefja për Politikën e Jashtme Federica Mogherini fton në takim kryeministrat e 6 vendeve të Ballkanit.
Mogherini do të zhvillojë një darkë jozyrtare me kryeministrat 6 vendeve të Ballkanit Perëndimor, në Bruksel në 24 maj, do diskutohet për situatën në rajon.
Ftesa e shefes së diplomacisë së BE-së vjen në një moment kur situata në Ballkan është mjaft e tensionuar. Situata politike në Maqedoni, Kosovë dhe Shqipëri është mjaft delikate dhe është dashur shpeshherë ndërhyrja e eurodeputetëve të Parlamentit Europian, komisionerëve dhe zyrtare të lartë të SHBA-ve.
Vetëm një ditë më parë ekspertë të çështjeve të Ballkanit i bënë thirrje në Bashkimit Evropian dhe SHBA-ve për një rikonfirmim të angazhimit të tyre në rajon, në një kohë kur kjo pjesë e Evropës përballet me disa kriza politike.
Me një numër krizash në rajon analistët shprehën shqetësimin për një angazhim të pamjaftueshëm nga jashtë dhe mungesë vullneti politik për reforma nga brenda vendeve të rajonit. (Tirana Tirana)
