Kryetari i bashkisë së Elbasanit Qazim Sejdini i lakuar dhe i akuzuar shpesh nga opozita për pushtetin e tij të pakufizuar në këtë pushtet rezulton një ndër kryebashkiakët më të pasur në vend. Kështu, sipas Spending Data Albania, në rubrikën e saj “Para dhe Pushtet” ka publikuar të dhëna mbi deklarimin pasuror për vitin 2016 të kryebashkiakëve të vendit
Në këtë mënyrë, Sejdini rezulton me prona, apartamente nga Fieri dhe Vlora dhe në qytetin e Elbasanit në të cilin e drejton. Ndërkaq prokuroria ka nisur pak ditë më parë ka nisur një superhetim për pastrim parash ndaj familjeve kryesore të Elbasanit, ndër të cilat përfshihen edhe afërm të kryebashkiakut Qazim Sejdini. Bëhet fjalë për familje e persona që janë pronare të bizneseve të ndryshme me miliona euro xhiro e fitime.
Sejdini rezulton pronar 100% i një shtëpie banimi me sipërfaqe 478 m2, në Fier, në vlerën 35 000 000 lekë, 2) Pronar me 100% i një shtëpie banimi me sipërfaqe 120 m2 në Fier, përfituar me trashëgimi, në vlerën 10 070 000 lekë. 3) Pronar me 100% i një shtëpie banimi me sipërfaqe 130 m2, në Vlorë, në vlerën 6 370 000 lekë. 4) Pronar me 100% i një ambienti zyre me sipërfaqe 60 m2, në Fier, në vlerën 5 200 000 lekë. 5) Pronar me 100% i një ambienti zyre me sipërfaqe 34.5 m2, në Fier, në vlerën 3 400 000 lekë. 6) Pronar me 100% i një magazine me sipërfaqe 840 m2, në Fier, në vlerën 25 400 000 lekë. Ndërsa të ardhurat e tjera vijojnë nga bashkëshortja dhe fëmijët e tij.
Kryetarët e 61 bashkive janë të zgjedhur për të drejtuar pushtetin vendor dhe si të tillë ata janë subjekt i detyrimit për deklarim të pasurisë pranë Inspektoratit të Lartë të Deklarimit dhe Kontrollit të Pasurisë dhe Konfliktit të Interesit.
Të dhënat janë publikuar në një version të lehtë për të bërë kategorizim shtesave apo pakësimeve pasurore në një hark viti. Burim për këtë informacion është deklarata e tyre pranë ILDKPKI e aksesuar në bazë të ligjit për të drejtën e informimit publik. TIRANA TODAY
