Tashmë është zyrtare, Nicolo Barella është një lojtar i ri i Inter-it. Klubi “zi-kaltër” e bëri publik këtë informacion nëpërmjet një komunikate të publikuar në faqen e vet në internet.
“Futbollisti italian vjen nga Cagliari Calcio si i përkohshëm për një vit me kushtin e kthimit të huas së përkohshme në dhënie përfundimtare. Barella ka firmosur një kontratë pesëvjeçare”, lexohet në këtë komunikatë. Mesfushori 21-vjeçar u mor nga Cagliari për 45 milionë euro dhe do të fitojë 2,5 milionë euro në sezon. /ATSH