Këshilli i Lartë i Prokurorisë ka zgjedhur ditën e sotme me 8 vota pro drejtuesin e ri të Prokurorisë pranë Gjykatës së Shkallës së parë, Mat.
Raportohet se në krye të kësaj Prokurorie është zgjedhur prokurori Abaz Muça. Ai zëvendëson në këtë detyrë drejtuesin e Prokurorisë së Rrethit Gjyqësor Mat, Hysni Vata, i cili është shkarkuar nga detyra nga Komisioni i Pavarur i Kualifikimit më datën 9 shtator.
Po ashtu në mbledhje është miratuar projekt-akti pёr ndërprerjen e caktimit tё përkohshëm tё Drejtueses sё Prokurorisë pranë Gjykatës së së Shkallës së Parë Dibёr, Esmeralda Keshi (Cami), e cila ka shprehur interes për të kandiduar për pozicionin vakant në KLP. Ndërsa në vend të saj u miratua caktimi i përkohshëm i prokurorit Rifat Kojku.
