Plazhet në Greqi raportohet se do të hapen këtë fundjavë.
Vizitorët do të përballen me masa dhe udhëzime të rrepta, ku nuk do të lejohet muzika apo lojërat sportive ujore.
Rregullat e reja janë përcaktuar nga Komiteti i Sëmundjeve Infektive në Ministrinë e Shëndetësisë.
Distanca midis çadrave do të jetë katër metra, ndërsa në një çadër do të lejohen vetëm dy shezllone.
Ndërkohë shezllonet dhe vendi i çadrave duhet të dezinfektohen sa herë që ndërrohen pushuesit.
Kafenetë dhe baret e plazhit mund të shërbejnë vetëm ushqim dhe pije për ta marrë me vete, pa tavolina ose shërbim tavoline dhe çdo gjë alkoolike është e ndaluar.
