Mësohet se kryetari i “ngrirë” i Partisë Demokratike, Lulzim Basha pritet të votojë një orë pas votimit të rivalit të tij, Eduard Selamit, i cili ka votuar pak momente më parë. Basha do të votojë në selinë e Partisë Demokratike në orën 11:00. Ndërsa Eduard Selami ka dhënë pak më parë një deklaratë për mediat, duke theksuar se këto zgjedhje janë të pabarabarta.
Basha nuk ka ende një reagim për këtë garë, që siç njofton komisioni i operacioneve elektorale ka nisur në mënyrë të rregullt në të 73 komisionet e 68 degëve të Partisë Demokratike.
Pjesë e procesit të votimit, pritet të mos jetë grupi i kritikëve të Bashës. Ata e kanë mbajtur dje qëndrimin e tyre, kur deklaruan se nuk do të jenë pjesë e këtij procesi që e konsiderojnë një farsë dhe pritet bojkotimi i procesit nga ana e tyre.
