Cristiano Ronaldo duket se nuk ka ndërmend të rinovojë kontratën me madrilenët, e cila skadon në vitin 2021. Pak ditë më parë ai vetë kishte konfirmuar se nuk do të rinovonte kontratën dhe nuk do të kërkonte përmirësim page tek Real Madird, po ashtu njoftoi se në fund të kësaj kontrate do të largohet për të provuar një eksperiencë të re. Por duket se lojtari më i mirë në botë nuk është i lumtur në Madrid dhe ka disa arsye personale për të qenë i pakënaqur me drejtuesit.
Sipas të përditshmes spanjolle, AS, Ronaldo ka katër arsye pse dëshiron të largohet dhe nuk është më i lumtur në Santiago Bernabeu.
1- Tentimi për të nënshkruar me Mbappe – Portugeze nuk ka qenë i lumtur se Real Madrid kishte tentuar ta transferonte gjatë verës francezin Kylian Mbappe, pasi beson se kjo ishte mungesë besimi në të dhe respekti
2- Thashetheme rreth transferimit të Neymar – Lajmet e fundit në mediat franceze dhe spanjolle thonë se Real Madrid po përgatit një ofertë prej 200 milionë eurove për Neymar, i cili shihet si zëvendësues i portugezit
3- Paga më e vogël se sa dy konkurrentët e tij Neymar dhe Messi – Ronalo është momentalisht lojtari më i mirë në botë dhe atë për të dytin vit radhazi, por paga e tij është shumë më e vogël se sa ajo e Messit dhe Neymarit, dhe kjo nga Ronaldo shihet si mungesë respekti
4- Problemet me taksa – Portugezi nuk është aspak i lumtur se po akuzohet nga prokuroria spanjolle për ikje të tatimit, pasi beson se kjo është vetëm e kurdisur ndaj. Ronaldo insiston se ai gjithnjë ka qenë shumë i rregullt dhe madje ka paguar edhe më shumë se sa duhej.
