Femrat që pinë një gotë verë të kuqe në javë, kanë më shumë mundësi të lindin fëmijë se ato që nuk pinë, thotë një studim në SHBA.
Shkencëtarët në Universitetin e Uashingtonit në St Louis, Misuri, besojnë se kjo vjen si shkak i pranisë së një antioksidanti që gjendet në verë.
E njohur si resveratrol, molekula është komponent kyç në rrushin e kuq, kakao dhe boronica dhe mbron qelizat nga stresi biologjik, raporton The Times.
Mjekët e përfshirë në studim kanë anketuar 135 gra në moshën 18 dhe 44 vjeç, ku secila prej tyre mbajti një ditar për të vënë në dukje se sa alkool kishte konsumuar çdo muaj.
Gjatë kësaj periudhe shkencëtarët gjithashtu kryen skanime të rregullta me ultratinguj për secilën prej grave për të llogaritur sa vezë të mundshme kishin.
Ata zbuluan se gratë që konsumonin rregullisht verë të kuqe, pavarësisht nga faktorët e tjerë si mosha dhe të ardhurat, kishin rezerva më të mira pjellorie.
Megjithatë, rezultatet e studimit nuk do të thonë që të gjitha ato që duan një bebe duhet të pinë verë të kuqe çdo mbrëmje.
Ekspertët kanë vënë në dukje se rezultatet duhet të merren parasysh me kujdes, pasi studimi nuk kishte provuar se vera ishte vetëm përgjegjëse për rritjen e pjellorisë te pjesëmarrëset.
Adam Balen, kryetar i Shoqërisë Britanike të Fertility Society, tha për The Times se kërkimi ishte “interesant”, por këmbënguli se do të nevojiteshin studime të mëtejshme për të vërtetuar gjetjet. (TIRANA TODAY)
