Presidenti i Republikës së Turqisë R.T. Erdogan do të takohet në 16 maj në Shtëpinë e Bardhë me Presidentin e SHBA-së Trump.
Bëhet e ditur se në këtë takim do të bisedohet rreth ndihmave që SHBA i bënë organizatës YPG në armatime, problemi Siri-Irak, ekstradimi i kreut të organizatës FETO si dhe sistemi i mbrojtjes ajrore me distancë të largët S-400 që Turqia do të marrë nga Rusia.
Sipas lajmit të publikuar në gazetën turke Haberturk, Presidenti Erdogan do të pritet nga nivelet më të larta të SHBA-së dhe në 16 maj, Trump do ta mirëpresë në Zyrën Ovale. Gjatë vizitës së tij Erdogan do të qëndrojë në House Blair.
Pas bisedimeve kokë më kokë, 2 liderët, do të mbajnë një konferencë të përbashkët për shtyp e cila planifikohet të bëhet në Kopshtin e Trëndafilave (Rose Garden). Në program është edhe dreka që Presidenti SHBA do të shtrojë për nderë të Presidentit Erdogan. (Tirana Today)
