Gazetari Flamur Vezaj ka bërë një paralajmërim të frikshëm, duke iu referuar dënimit që iu dha Dritan Dajtit.
Në një postim në Facebook, Vezaj shkruan se pas 5 vitesh Dritan Dajtin do e keni të lirë, teksa i shpëtoi burgimit të përjetshëm.
Teksa shkruan se policët u vranë për herë të dytë këtë vendim, Vezaj bën edhe një përshkrim të gjykatësve që vendosën për Dajtin, duke e shpëtuar nga 4 burgime të përjetshme.
Postimi i plotë:
Dritan Dajti pas 10 viteve tallje me sistemin e drejtësisë ia arriti qëllimit, duke i shpëtuar burgimit të përjetshëm! Ai arriti atë që e kërkonte me të gjitha metodat dhe nuk hoqi dorë deri kur pesë gjyqtarët e deleguar nga Gjykatat e Apelit Vlorë dhe Shkodër ia dhanë atë, duke dënuar përfundimisht me 25 vite burg! Thënë ndryshe për vrasjen e 4 policëve në krye të detyrës dhe tentim vrasjen e 6 policëve të tjerë e shumë kalimtarëve të rastit Dajti do të shijojë lirinë pas 5 viteve! Po po pas 5 viteve Dritan Dajtin do e keni përsëri në qarkullim dhe mund ta kontraktoni për çdo pune përmbarimore!! Do jetë i lirë pasi me dënimin qesharak që mori ai tashmë ka bërë mbi 10 vite paraburgim që dmth mbi 15 vite burg dhe me uljet 3 mujorshe e sjellje të mire ai do jetë i lirë pas 5 viteve! Me këtë vendim te pesë gjyqtarëve Fuat Vjerdha, Lindita Hoxha, Aleks Nikolli, Skënder Damini e Petrit Aliaj policët u vranë për herë të dytë! Për këtë vendim paralajmërova në korrikun e 2018 dhe asgjë nuk ndryshoi! Këta 5 gjyqtarë shfrytëzuan edhe mungesën e Gjykatës së Lartë dhe mungesën e vëmendjes së mediave duke i dhënë atë që dëshironte Dritan Dajti!
Kush janë gjyqtarët që e dhanë këtë vendim?
Kryesuesi Fuat Vjerdha i deleguar nga Gjykata e Apelit Shkodër është njëri nga gjyqtarët që liruan me vendim qesharak Sokol Mjacen pak kohë para se të vriste dy turistët çekë.
Anëtar Lindita Hoxha i deleguar nga Gjykata e Apelit Shkodër është proceduar nga KLD-ja me masën e “vërejtjes”!
Anëtar Skender Damini i deleguar nga Gjykata e Apelit Vlorë dhe i proceduar disa herë për shkelje e më të fundit atë të lirimit të një grupi nga Fieri të akuzuar për trafik droge mes tyre edhe Arben Isufaj i njohur si Ben Qimja!
Anetar Petrit Aliaj gjyqtar i deleguar nga Gjykata e Apelit Vlore i proceduar disa herë dhe hetuar për fshehje te pasurisë e shuma te mëdha parash të “fituara” nga kompanitë e familjes së Klemend Balilit!
Anëtar Aleks Nikolli gjyqtar i Gjykatës së Apelit në Shkodër (nuk kam të dhëna për këtë).
