Përfaqësuesi i përhershëm i Izraelit në OKB, Gilad Erdan, ka deklaruar se shpreson se Izraeli do të nënshkruajë marrëveshje normalizimi edhe me një vend tjetër arab brenda pak javësh.
Në një intervistë për KAN, Erdan pretendon se Izraeli pas Emirateve të Bashkuara Arabe (EBA) dhe Brahreinit mund të nënshkruajë një tjetër marrëveshje normalizimi, pa dhënë informacione se për cilin vend bëhet fjalë.
“Shpresoj që Izraeli brenda disa javësh të nënshkruajë marrëveshje normalizimi edhe me një vend tjetër arab”, tha ai.
Edhe pse Erdan nuk dha detaje në deklaratën e tij, në shtyp janë reflektuar disa zhvillime që tregojnë Sudanin.
Zyrtarët sudanezë këtë javë u takuan në EBA me zyrtarët amerikanë për të biseduar mbi çështjen e normalizimit të marrëdhënieve me Izraelin. Në lajmet në shtypin ndërkombëtar thuhet se bisedimet në Abu Dhabi mbetën pa rezultat.
