Haaretz
Benjamin Netanyahu u bëri thirrje “të gjithë anëtarëve të Knesset-it të zgjedhur nga votat e partive të djathta” të kundërshtojnë koalicionin e ri të njoftuar të mërkurën e kaluar nga Yair Lapid dhe Naftali Bennett.
Në komentet e tij të para publike pas njoftimit, i cili mund të çojë në rrëzimin e tij pas 12 vitesh në pushtet, Netanyahu e përshkroi qeverinë “e majtë” Lapid-Bennett si “të rrezikshme”.
Bennett, i destinuar të marrë rolin e kryeministrit në një marrëveshje rotacioni me Lapid, kryeson partinë e krahut të djathtë Yamina. Koalicioni i propozuar përfshin gjithashtu partinë ‘Shpresa e Re’, e udhëhequr nga ish-anëtari i Likud, Gideon Sa’ar dhe Yisrael Beiteinu, një parti liberale e krahut të djathtë, së bashku me partitë e tjera të qendrës së majtë./Tirana Today
