Drejtori i Përgjithshëm i Burgjeve Agim Ismaili në Komisionin e Sigurisë ka folur edhe për Izet Haxhinë.
Ismaili i është përgjigjur pyetjeve të deputetëve duke hedhur poshtë pretendimet se Izet Haxhia ka pësuar aksident gjatë transportit për në Gjykatë. Kujtojmë se pak ditë më parë avokati i Izet Haxhisë ka denoncuar një aksident sipas tij të ndodhur në fugonin e policisë që po e transportonte për në Gjykatë. Sipas avokatit, pasi kishte dhënë dëshminë për rreth 36 orë tek Krimet e Rënda, Izet Haxhisë i është kërkuar që të ngrihet nga fugoni dhe në atë moment sipas tij mjeti ka frenuar ashpër. Po ashtu ai ka pohuar se Haxhisë i është përplasur koka në kafazin e fugonit.
Ismaili theksoi se për Izet Haxhinë ka një program masash si për çdo të burgosur që shoqërohet me polici shteti e polici burgjesh dhe se nuk ka pasur asnjë aksident.
