Fatos Klosi deklaroi sot se Izet Haxhia është i penduar dhe me ekstradimin e tij do të rihapjet dosja e Azem Hajdarit për të cilën në valle është Sali Berisha.I ftuar në Report Tv, Klosi thotë se Berisha përfitoi më shumë nga të gjithë pas asaj që ndodhi. Ish-kreu i Shërbimit Informativ Shtetëror paralajmëroi se Haxhia ka prova të tjera.
“Kanë kërkuar autoritetet shqiptare që të ekstradohet. Ai ka të drejtë që të rihapë procesin gjyqësor, shpresoj që pozita e tij të jetë ndryshe. Nuk besoj se nga qeveria ka ndërmend që të rihapë çështjen Hajdari.
Për qeverinë vetëm bezdi është. Këtë çështje mund ta hapë vetëm Izeti, pasi është dënuar në mungesë. Unë kam qenë për hapjen e procesit, pasi asokohe nuk u mor me bashkëpunëtorët. Nuk u mor me ata që ndihmuan, u konsiderua se e ndihmoi Izeti dhe e dënuan, ai thotë se ka edhe të tjerë. Izeti ishte atë natë brenda selisë së PD, ndoshta edhe mund të ketë prova kundër Berishës.
Ai pretendon se ka informacion, uroj që t’i thotë, të dalin fajtorët e vërtetë, deri tani janë vlerësuar vetëm ekzekutorët. Ka të tjerë, të gjithë thonë se Sali Berisha është në valle. Përfitoi më shumë nga të gjithë, pas asaj që ndodhi.
Asokohe kam biseduar me ministrin e Brendshëm ai ka biseduar me Azemin, dhe ai i ka thënë se në Tropojë po përgatiten për vrasjen tënde, dhe Azemi ka thënë e di, i është ofruar mbrojtje dhe ai e ka mirëpritur.
Ai ka falenderuar për mbrojtjen që iu ofrua. Ai është i penduar në marrëdhëniet me Berishën dhe i shikon ngjarjet me një sy tjetër, uroj që të ketë të vërteta për të thënë”,tha Klosi.
