Një shqiptar është arrestuar në Itali me mbi 1 kg e gjysmë drogë. Droga e llojit heroinë ishte paketuar në tre pako, u sekuestrua nga policia italiane në Torino.
Gjithçka filloi kur agjentët e policisë vunë re një burrë pas një parkingu në rrugën “Breglio” pranë një supermarketi, i cili takoi një person tjetër.
Pas takimit, ai u kthye me nervozizëm në makinën e tij. Agjentët e ndaluan për kontroll dhe rezultoi të ishte një 37 vjeçar shqiptar me banim në Brianza.
Gjatë kontrollit të makinës, policia konstatoi praninë e një ere të fortë të acetonit, gjë që i bëri ata të mendojnë se në makinë ishte e fshehur droga. Kjo hipotezë u konfirmua kur agjentët gjetën tre pako heroinë brenda një ndarjeje në makinë.
Ndërkohë 5 ditë më parë, për Krishtlindje, policia italiane arrestoj një tjetër shqiptar që kishte shkuar në vendin fqinj si turist. Mediat italiane e quajtën “Babagjyshi i marijuanës“. Në magazinë, shqiptarit me iniciale E.H iu sekuestrua 96 kg drogë, vlera e të cilës arrinte në 600 mijë euro.
Kontrolli në magazinë erdhi pas sinjalizimit të banorëve që kishin vënë re diçka të dyshimtë te “turisti” shqiptar. 24-vjeçari kishte marrë në dorë trafikun e drogës prej javësh në këtë zonë, duke xhelozuar edhe konkurrentët.
