Një 21-vjeçar shqiptarë është sulmuar me thikë disa herë dhe ndodhet në gjendje të rëndë në Scandiano të Italisë së veriut. Aldi Shpijati, u operua me urgjencë në spitalin Santa Maria Nuova, ku ndodhet në repartin e reanimacionit.
Sulmi ndodhi rreth 10 metra nga stacioni i trenit, në një parking rreth orës 4:30 të mëngjesit, pra në orët e vona të natës. Për ngjarjen janë arrestuar dy persona njëri 30-vjeçarë dhe tjetri 36-vjeçarë, të cilët po mbahen në arrest me burg. Prokuroria gjithashtu ka nisur hetimet dhe fillimisht dyshohet që ngjarja të ketë ndodhur për motive të dobëta.
Futbollisti 21-vjeçar i cili luante në sulm te Arcetana dhe konsiderohej si talent nuk ishte vetëm. Shkaqet duken ende të paqarta, por karabinierët i cilësojnë pa dyshim si arsye të dobëta. Djaloshi është goditur në gjoks dhe në bark me një send të gjatë prerës. Ishin miqtë e tij ata që lajmëruan menjëherë ambulancën. Presidenti i ekipit është shprehur: “Aldi ishte një djalë i qetë dhe shumë korrekt, ai gjithmonë ka treguar respekt për të gjithë. I heshtur por vazhdimisht i pranishëm në trajnim, ai gjithmonë përpiqet shumë në punën e tij për ekipin. Lajmi na ka çuar në befasi dhe na ka tmerruar me të vërtetë.”
