Një aksident i rëndë ka ndodhur dje në Tro Meldola, mes Selbagnone dhe Fratta Terme në Itali. Si pasojë e aksidentit, një grua ka vdekur dhe tre persona, dy prej të cilëve shqiptarë, janë plagosur rëndë.
Mediet italiane raportojnë se viktima është shtetasja italiane, 77-vjeçarja Giuseppina Antonietta Magnogna, ndërsa është plagosur burri i saj. Automjeti me të cilin udhëtonin çifti italian u përplas me makinën tip ‘Volvo Station Wagon 70’, me të cilën po udhëtonin dy të rinjtë shqiptarë.
Mediet italiane raportojnë se shoferi nuk ka mundur të bëjë dot gjë për shmangien e aksidentit, duke u përplasur fuqishëm me automjetin tjetër ku ndodheshin shqiptarët.
Këta të fundit, por edhe shoferi italian ndodhen në gjendje kritike për shkak të plagëve të rënda, ndërsa nuk bëhet i ditur identiteti i tyre.
