Italia ka mundur 3-0 Turqinë në ndeshjen hapëse të Euro 2020. Pas një pjese të parë të mbyllur në barazim pa gola, “Axurrët” kanë siguruar tri pikët e para në Grupin A në 45 minutat e dyta.
Sfida e Olimpico-s është zhbllokuar në minutën e 53-të nga një autogol i Demiral. Kjo ka qenë edhe hera e parë në historinë e Europianit që goli i parë i kampionatit ka qenë një autogol.
Në minutën e 66, Imobile shënoi për skuadrën e Mançinit, duke dyfishuar shifrat. Çakir bëri një mrekulli ndaj Spinacolës, por nuk mundi të bëjë dot asgjë ndaj sulmuesit të Lacios.
13 minuta më vonë, Italia trefishoi rezultatin. Lorenco Insinje shënoi për “Axurrët” me një goditje të mrekullueshme.
