Italia ka regjistruar një tjetër rekord negativ ditën e sotme sa i takon pandemisë Covid-19.
Autoritetet shëndetësore në vendin fqinj raportojnë për 31,084 raste të reja pozitive dhe 199 viktima.
Ky është numri më i lartë i infeksioneve i regjistruar në harkun kohor të një dite që nga fillimi i pandemisë.
Në 24 orëtt e fundit, është kryer një total prej 215,085 testesh. Ndërkohë, në repartet e kujdesit intensiv janë regjistruar 95 pacientë më shumë.
Rajoni me rritjen më të madhe të infeksioneve është Lombardia, me 8,959 raste të reja pozitive.
