Situata me koronavirusin në Itali është jashtëzakonisht kritike. Italianët po përjetojnë orë ankthi, e ndërsa familjarët e tyre po vdesin. Virusi ka ndërhyrë në organizma jo mjaft të fortë. Studimet e kryera deri më tani shpjeguan se rreziku i vdekjes rritet me moshën. Të moshuarit dhe njerëzit me sëmundje para-ekzistuese janë më të rrezikuar.
“Pacientët që kanë vdekur me koronavirus kanë një mesatare mbi 80 vjeç, (80.3), kulmi i vdekshmërisë është në rangun e moshës 80 deri 89 vjeç. Numri i vdekjeve në mesin e të sëmurëve është më i lartë, në mesin e atyre mbi 80 vjeç.
Presidenti i Institutit të Lartë të Shëndetit, Silvio Brusaferro, ka thënë se shumica e viktimave, kishin sëmundje kronike të shumta. Dy viktima nuk ishin bartës të patologjive. “Kategoritë më të shpeshta kanë 2-3 ose më shumë patologji, rreth 46-47 përqind të vdekjeve totale”. Më 5 mars, ISS kishte specifikuar që patologjia më e shpeshtë e mëparshme ishte hipertensioni, i ndjekur nga sëmundja ishemike e zemrës dhe diabeti.
