Në një kohë kur Italia po lufton me jetën nga shpërthimi i koronavirusit vdekjeprurës, lëkundjet e tërmetit janë ndjerë gjatë natës.
Sipas Institutit Kombëtar të Gjeofizikës në Itali, janë regjistruar tre lëkundje. Njëra është shënuar në Romë me magnitudë 3, ndërsa dy të tjera në Crotone me magnitudë 3.3 dhe 3.8.
Nuk raportohet për të lënduar, dhe as për dëme materiale. Teksa italianëve u është thënë që të qëndrojnë të izoluar, frika edhe më e madhe është shtuar nga tërmetet që janë ndjerë së fundmi.
Italia për fat të keq po njeh një rritje të numrit të të infektuarve. Po kështu një bilanc negativ ka edhe me personat të cilët nuk ia kanë dalë dot mbanë nga COVID-19.
