Italia po jeton një situatë dramatike të një pandemie që ka përfshirë vendin, duke shkaktuar deri më sot mbi 4 mijë viktima nga COVID-19.
Sistemi shëndetësor në Itali ndodhet në vështirësi serioze, dhe prej numrit të lartë të personelit mjekësor të infektuar nga koronavirusi. Mësohet se Italia do të ndjekë modelin e Koresë së Jugut, referuar testimit masiv të popullsisë. Kujtojmë se epidemia në Korenë e Jugut shpërtheu në të njëjtën kohë me Italinë.
Numri i viktimave të koronavirusit në Itali shënoi një rekord të frikshëm ditor. Vetëm gjatë 24 orëve të fundit kanë humbur jetën 627 persona, duke e çuar numrin e përgjithshëm të tyre në 4032. Afro 4700 janë të infektuarit e rinj, që kanë arritur një total prej gati 37. 700. Ndërsa shifra e të shëruarve ka arritur në 5 129, mbi 600 më shumë se një ditë më parë.
