Ministri i Jashtëm i Italisë, Luigi Di Maio ka deklaruar se do të firmosë dekretin që synon të ulë ndjeshëm kohën e qëndrimit të azilkërkuesve në Itali.
Në një intervistë dhënë për “Rete4”, Maio tha: “Çështja nuk është t’i mirëpresim të gjithë, por të vlerësojmë brenda një kohe të shkurtër se kush mund të qëndrojë”.
“Për mua, zgjidhja për azilkërkuesit është që ne nuk mund të presim 2 vjet për të parë nëse dikush mund të qëndrojë këtu apo jo.
Nesër në mëngjes unë do të nënshkruaj një dekret që do të na lejojë në 4 muaj, dhe jo më në 2 vjet, për të kuptuar nëse ata mund të qëndrojnë këtu apo të të riatdhesohen”, theksoi ministri italian i Jashtëm.
Nëse deri tani azilkërkuesit mund të qëndronin në Itali 2 vjet, deri sa të vendosej më pas për ta, tashmë kjo kohë do të shkurtohet në vetëm 4 muaj.
