Italia është një nga vendet më të goditura nga pandemia, ku deri më tani janë regjistruar 287.753 të infektuar dhe 35.610 të vdekur. Pavarësisht situatës së rënduar, sot janë hapur shkollat.
Me vendim të qeverisë së Giuseppe Conte, në shumë rajone të Italisë janë rihapur shkollat.
Duke qenë se Italia ende nuk e ka fituar betejën me Covid-19, është vendosur që në zona të tilla si Sardenja, Campania me kryeqendër Napoli dhe Puglia me qendër Bari, rihapja e shkollave të shtyhet për një javë.
Udhëzimet kryesore të dhëna deri më tani thonë se fëmijët, kur ndjekin mësimet dhe respektojnë distancat e përcaktuara të sigurisë, nuk duhet të mbajnë maskë. Sidoqoftë, maska do të jetë e detyrueshme për të gjitha aktivitetet e tjera shkollore, si dhe gjatë pushimit. Në të njëjtën kohë, u vendos që temperatura e fëmijëve të matet nga prindërit në shtëpi dhe jo jashtë shkollave.
