E hënë, 21 Qershor, 2021
32.5 C
Tirana

“Larot virtualë dhe tutorët e tyre do i hedh në gjyq”, Sandër Lleshaj reagon për makinën luksoze

Ministri i Brendshëm, Sandër Lleshaj, ka reaguar ashpër pas publikimit të fotove të makinës luksoze me të cilën ai lëviz. Lleshaj ka sqaruar se mjeti me të cilën lëviz nuk është në pronësi të tij, por e shtetit dhe se nuk ka kushtuar 150 mijë euro, por vetëm 49 mijë euro.

Ai thotë se ky çmim, i cili është sa gjysma ose sa një e treta e atij që është lakuar kohët e fundit, e bën të qartë përpjekjen kriminale për intimidim dhe për dezinformim publik.

Ministri Lleshaj hedh akuza ndaj mediave, për të cilat shprehet se mbajnë gjallë tymin e një mashtrimi skandaloz. Lleshaj shton më tej se nuk do ta lërë me kaq, por do e ndjekë në rrugë ligjore këtë çështje.

Statusi

Po bëhen disa javë që disa portale ordinere dhe tutorët e tyre jo dhe aq periferikë, po përpiqen të mbajnë gjallë tymin e një mashtrimi skandaloz.

Sipas tyre, Ministri i Brendshëm paska blerë një makinë, që herë kushton 100 milionë lekë e herë arrin në 150 mijë Euro.

Aq shumë janë sforcuar për t’a përsëritur këtë mashtrim, sa ai ka mbërritur edhe tek disa qytetarë të nderuar, të cilët më kanë pyetur rreth të vërtetës.

Vetëm në respekt të tyre dhe jo në përgjigje të shpellave virtuale, po bëj këto sqarime elementare:

  1. Sandër Lleshaj si person ka në pronësi një automjet mëse të zakonshëm, që prej një dekade. Ai nuk e ka as të mundur dhe as ndërmend të blejë një makinë të re;
  2. Për shkak të funksionit shtetëror, Ministri i Brendshëm dhe grupi i tij i shoqërimit ka në përdorim disa automjete;
  3. Po bëhen disa muaj që një automjet i dalë jashtë përdorimit është zëvendësuar me një të ri;
  4. Automjeti nuk ka kushtuar 100 milionë lekë, as 150 mijë Euro, sikundër përpiqen të infektojnë opinionin publik shpellat e dyshimta virtuale, por vetëm 49 mijë Euro;
  5. Ky çmim, i cili është sa gjysma ose sa një e treta e atij që është hedhur në eter në mënyrë të paturpshme nga larot dhe tutorët e tyre, e bën të qartë përpjekjen kriminale për intimidim dhe për dezinformim publik;
  6. Vetëm për krahasim, vlen të theksohet se vlera e automjetit të ri në përdorim të Ministrit të Brendshëm është e përafërt me vlerën e automjeteve të reja të vëna në përdorim të Policisë së Shtetit, në Tiranë dhe në të gjitha qarqet e vendit gjatë këtij viti, si pjesë e programit të modernizimit të saj.

E vërteta është kaq e thjeshtë.

Nuk ka makinë për Sandër Lleshajn, por për shtetin; nuk ka makinë 100 milionëshe, por një makinë krejt normale, me çmim mëse të zakonshëm.

Sigurisht që kjo tentativë për intimidim apo shantazh nuk do të mbetet pa përgjigje.

Larot virtualë dhe tutorët e tyre, që mundohen të qëndrojnë në errësirë, nuk janë të panjohur. Përgjigja për ta do të jetë në rrugë ligjore dhe gjyqësore.

Me këtë rast, dua të garantoj qytetarët dhe miqtë e mi se unë nuk e njoh as lëkundjen, as shmangien dhe as tërheqjen nga misioni im, që është shërbimi ndaj Shqipërisë.

Aq mirë e njoh veten time, sa tentativat mjerane për baltosje vetëm sa më motivojnë për të bërë më shumë kundër krimit, i cili ndonëse përpiqet të sofistikohet duke u bërë edhe virtual, nuk mund t’i shmanget goditjes që bëhet përditë më e fortë.

E njoh veten time, por edhe ata aq mirë, sa sulmet e tyre më bëjnë edhe të qesh.

Po bëhen disa javë që disa portale ordinere dhe tutorët e tyre jo dhe aq periferikë, po përpiqen të mbajnë gjallë tymin…

Publiée par Sander Lleshaj sur Lundi 14 septembre 2020

 

- Reklama -

Më shumë nga kategoria




Të fundit

Futboll/ A do të shkrihet klubi i Elbasanit nga Bashkia?

Elbasani ra sezonin që sapo u mbyll nga niveli i dytë i futbollit shqiptar në nivelin e tretë. Për rrjedhojë, Bashkia ka vendosur të gjejë një...

‘Në PD e votoi 30% e anëtarësisë’/ Nishani: Si mund t’i fitojë zgjedhjet Basha?

Kryetari i Këshillit Kombëtar të Partisë Demokratike, Bujar Nishani ka reaguar ashpër kryedemokratit Lulzim Basha, duke thënë se rizgjedhja e tij në krye të...

‘Sot priten 11 mijë doza të Pfizer’/ Manastirliu: Ulet fasha e vaksinimit

Ministrja e Shëndetësisë dhe Mbrojtjes Sociale, Ogerta Manastirliu, teksa ka parë nga afër procesin e vaksinimit në ''Sheshin Skëndërbej'', deklaroi se tashmë është ulur...

Bie qeveria në Suedi/ Löfven, kryeministri i parë që rrëzohet nga parlamenti

Parlamenti i Suedisë ka mbështetur një votë mosbesimi ndaj kryeministrit të qendrës së majtë, Stefan Löfven. Ai bëhet kryeministri i parë që rrëzohet nga...

Teknologji/ Si transferohen numrat nga Android në iPhone shumë thjesht

Si transferohen numrat e regjistruar nga Androidi në iPhone duke përdorur një adresë e-maili në Google 1-Së pari sigurohu që kontaktet tuaja të jenë të...