Ai vjedh brioshët në lokal, pastaj të nesërmen kërkon falje dhe paguan. Një histori dëshpërimi, por edhe mbi të gjitha dinjiteti dhe solidariteti që vjen nga Pistoia, qytet në Itali. Dikush vjedh brioshët në një bar nga uria, të nesërmen lë një shënim falenderimi me 10 dhjetë euro (kostoja e brioshëve). Pronari (por jo vetëm ai) propozon ta punësojë atë.
“Mirëmëngjes, më falni, mëngjesin e kaluar isha i uritur dhe nuk kisha para. Faleminderit”. Ky është teksti i shënimit që pronari i një kafeneje në Pistoia e gjeti jashtë derës. Së bashku me mesazhin kishte edhe 10 euro, për dhjetë brioshët që ‘hajduti’ i kishte vjedhur një ditë më parë.
“Ishte një surprizë. Letra ishte palosur brenda shportës. Ishte partneri im ai që e gjeti kur hapi kutinë plastike, ku pastiçeri vendos tabakanë me briosh për lokalin në mëngjes. Brenda letrës kishte 10 euro, kostoja e dhjetë brioshëve. Nëse do ta dinim se kush është, do t’i kthenim paratë, ai vodhi nga uria dhe unë do të kisha bërë të njëjtën gjë gjithashtu”, tha Maurizio Milani.
Ofertë pune për ‘hajdutin’
Lajmi bëri menjëherë xhiron e rrjeteve sociale. Jo vetëm pronari i lokalit ka njoftuar se ka ndërmend t’i ofrojë një punë këtij personi, identiteti i të cilit mbetet i panjohur: edhe një pastiçier lokal i është ofruar t’i japë atij burri një punë. Një histori dëshpërimi, por gjithashtu dhe mbi të gjitha dinjiteti, e cila mund të ketë një përfundim surprizë.
Burimi i lajmit: limemagazine. Përshtatur nga Tirana Today
