Është identifikuar njëra prej viktimave që u gjetën të copëtuara brenda tre valixheve në Itali. Media italiane ANSA, shkruan se pas hetimeve të kryera ka rezultuar se kufoma e gjetur e copëtuar në valixhe është shqiptari nga Vlora, Shpëtim Pasho.
Gjithçka është rezultat i një krahasimi të gjurmëve të gishtave të Karabinierëve në të Romës, sipas të cilit të gjitha pikat e zbulueshme në gjurmët e gishtit të një dore korrespondojnë me shenjat e gishtërinjve të Shpëtim Pashos.
Këtë mëngjes, pas një pastrimi të plotë të tokës, u gjet një valixhe e katërt, përmbajtja e së cilës po shqyrtohet. Viktima tjetër dyshohet se është bashkëshortja e Shpëtim Pashos, Teuta Pasho.
Policia italiane dyshon se vrasja e çiftit shqiptar mund të ketë lidhje me djalin e tyre, i cili ndodhet në arrati pasi është dënuar për trafikim të lëndëve narkotike. Sipas hetuesve, autorët kanë dashur t’i japin një mesazh dikujt, pasi kufomat janë trajtuar me kimikate për ti mbajtur të padekompozuar. Ata janë hedhur pranë një burgu, pikërisht aty ku ka qenë i burgosur djali i tyre.
