Mbrëmja e djeshme dhuroi spektakël, teksa ndeshja midis Italisë dhe Spanjës përfundoi në barazim 1-1 pas 120 minutash lojë, dhe italianët u treguan më të saktë nga pika e bardhë, duke kaluar në finalen e ”Euro 2020”.
Ndeshja ishte tepër e luftuar dhe pati disa episode, njëra prej tyre ndodhi në fundin e ndeshjes. Mbrojtësi i Italisë, Xhorxho Kielini, pas një rrëzimi në zonë, me dorën e mbështetur në tokë, preku topin.
Spanjollët protestuan dhe kërkuan një penallti në favor të tyre, por për arbitrin gjerman Feliks Brysh, gjithçka ishte e rregullt, pasi topi nuk u prek qëllimisht nga Kielini.
Por, a veproi drejt gjermani i cili dha këtë vendim? Sipas rregullores së përcaktuar, Kielini prek topin në mënyrë të pavullnetshme, pasi trupi i tij ndodhet në një pozicion rënie, e cila është jo e natyrshme.
Sipas rregullores, nuk jepet faull apo penallti në rastet kur:
– Një lojtar prek qëllimisht topin me dorë/krah, për shembull, duke lëvizur dorën/krahun drejt topit;
– Një lojtar prek topin me dorë/krah duke rritur në mënyrë të panatyrshme vëllimin e trupit të tij. Një lojtar konsiderohet se e ka bërë trupin e tij në mënyrë të panatyrshme më të madh kur pozicioni i dorës/krahut nuk është një pasojë e justifikueshme e lëvizjes së trupit të lojtarit për atë situatë specifike.
– Një lojtar shënon një gol direkt me dorën/krahun e tij, edhe nëse është aksidental, ose shënon pas prekjes së tij të dorës/krahut.
– Prekja aksidentale e topit me duar, që e çon një shok skuadre të shënojë një gol ose të ketë një mundësi për të shënuar një gol nuk do të konsiderohet më faull.
https://www.youtube.com/watch?v=dM73GJa0_mk&t=105s
