Italia ka regjistruar më pak viktima nga koronavirusi sot sesa një ditë më parë. Por pavarësisht kësaj, numri i raportuar vijon të jetë i lartë.
Sipas mediave italiane, në 24 orët e fundit në vend janë regjistruar 578 viktima dhe 2,667 raste të reja, 300 raste më pak se ditën e djeshme.
Që nga shpërthimi i virusit, Italia ka regjistruar gjithsej 165,155 raste infektimi. Nga këto: 38,092 persona janë shëruar ndërsa mbi 105 mijë raste janë ende aktive.
Numri total i viktimave në Itali ka shkuar në 21,645, teksa renditet e dyta pas SHBA-ve për numrin më të madh të vdekjeve.
SHBA është vendi më i prekur nga COVID-19 në botë, duke regjistruar mbi 618 mijë raste infektimi dhe 26,333 viktima.
Deri më tani 10 vendet më të prekura nga koronavirusi në botë janë:
*Të renditura nga numri më i madh i rasteve të regjistruara
- SHBA – 618,856 raste
- Spanjë – 177,633 raste
- Itali – 165,155 raste
- Francë – 143,303 raste
- Gjermani – 132,747 raste
- Mbretëria e Bashkuar – 98,476 raste
- Kinë – 82,295 raste
- Iran – 76,389 raste
- Turqi – 65,111 raste
- Belgjikë – 33,573 raste
Më shumë se 2 milionë njerëz nga e gjithë bota janë prekur nga koronavirusi, ndërsa mbi 128 mijë persona kanë humbur jetën.
