Kryeministri italian, Giuseppe Conte njoftoi dorëheqjen sot, gjatë një fjalimi të mbajtur për krizën politike të vendit. Mjaft i prerë në qëndrimin e tij, ai ka thënë se do ti drejtohet presidentit për të dhënë dorëheqjen.
“Në fund të këtij debati do të shkoj te Presidenti i Republikës, për të dhënë dorëheqjen”, tha ai. “Tani Presidenti i Republikës do të drejtojë vendin në këtë hap delikat”, u shpreh Conte, në fjalimin e tij në Senat.
“Shfrytëzoj këtë mundësi të falenderoj të gjithë për mbështetjen”, tha më tej Conte.
Conte mbajti një fjalim shumë të fortë, duke kritikuar Salvinin. “Ministri i Brendshëm, Matteo Salvini është i papërgjegjshëm. Ai me politikat e tij ka shkaktuar kaos”, tha Conte.
