Një shqiptar është arrestuar ditën e sotme në Pescara të Italisë, pasi iu gjet në makinë 1 kilogram kokainë e pastër. Sipas medieve italiane, i arrestuari është 24 vjeç, ndërkohë indentiteti i tij nuk bëhet i ditur.
Prangosja e shqiptarit nga policia e Italisë është bërë pas një kontrolli rutinë nga policia rrugore, ku shqiptari i ndaluar ka shprehur nervozizëm në momentin e ndalimit.Pas këtij veprimi të shqiptarit, policia rrugore i ka bërë një kontroll të imtësishëm automjetit me të cilin po udhëtonte 24-vjeçari shqiptar dhe më pas kanë gjetur lëndën narkotike të fshehur në motorin e makinës brenda një kutie, e cila ishte krijuar posaçërisht për të fshehur drogë.Ndërsa shqiptarit i janë sekuestruar edhe dy telefona celular dhe një një sasi e vogël parash. 
Mediat italiane shkruajnë se sasia e drogës së sekuestruar, në tregun klandestin do të kishte dhënë më shumë se 5 mijë doza, ndërkaq vlera e saj në treg llogaritej në shifrat e 200 mijë eurove. Policia e ka shoqëruar të riun shqiptar dhe tashmë ndodhet në burgu e San Donatos, në pritje të një vendimi që do të marrë drejtësia italiane. TIRANA TODAY
