Qyteza a Amatriçes në Itali vijon të goditet nga lëkundjet e herëpashershme të tërmetit.
Sipas Institutit italian të Gjeofizikës, e cituar nga mediet vendase, dy lëkundje të njëpasnjëshme kanë lënë pa gjumë gjatë natës së kaluar banorët e kësaj zone, njëri me magnitudë 3.5 dhe tjetri me 3.9.
Lëkundje në këtë zonë janë shënuar edhe mëngjesin e kësaj të mërkure, me magnitudë 3.1.
Dy tërmete shkatërruese goditën zonën e Amatrices vitin e kaluar, njëri më 24 gusht dhe tjetri më 30 tetor, përkatësisht me magnitudë 6 dhe 6.5.
