Ditën e djeshme, autoritetet irakene kanë zhvilluar një operacion të suksesshëm kundër terroristëve të ISIS-it, duke vënë në pranga liderin e tyre Abu Khaldoun. Kujtojmë që ky i fundit u zgjodh si kreu i organizatës pas vdekjes së Abu Bakr al Bagdadi, i vrarë nga një komandë amerikane para dy muajsh.
“Policia, pasi mori informacione të sakta, arrestoi terroristin e njohur Abu Khaldoun në një apartament në zonën e Hawija të provincës së Kirkakut, në veri të vendit”, citojnë mediat irakene.
Kujtojmë që vdekja e Al Bagdadit bëri bujë në fund të muajit tetor, pasi ishte një nga goditjet më të forta që ISIS ka marrë vitet e fundit. Vdekjen e liderit të saj e konfirmoi vet presidenti Trump.
“Vdiq si qen”/ Donald Trump konfirmon vdekjen e liderit të ISIS
Al Bagdad kreu vetëvrasje duke shpërthyer vetë jelekun-bombë që mbante veshur. Në aksion u vranë edhe tre fëmijët e tij dhe dy gra.
“Mbrëmë Shtetet e Bashkuara vendosën drejtësinë. Eliminuam terroristin numër një në botë. Abu Bakr al-Baghdadi është i vdekur” tha Trump në fund të tetorit.
